Spørsmål og svar

Alt du lurer på om nye Nissan LEAF

Svara under er samla frå det folk faktisk spør oss om. Finn du ikkje det du leitar etter, ring 57 83 09 60.

Rekkevidd og lading

Kor langt går nye Nissan LEAF på ei lading?

Nye LEAF går opptil 622 km med 75 kWt batteri og opptil 451 km med 52 kWt, målt etter WLTP. Faktisk rekkevidd varierer med temperatur, køyrestil, last og topografi.

Kor fort ladar nye Nissan LEAF?

75 kWt-versjonen ladar med opptil 150 kW på hurtiglader, 52 kWt med opptil 105 kW. 30 minutt hurtiglading gjev opptil 440 km rekkevidd på 75 kWt-modellen.

Kor lang tid tek det å lade LEAF heime?

Med 11 kW vegglader tek det om lag 7 timar frå 10 til 100 prosent på 75 kWt-batteriet. Frå vanleg stikkontakt tek det om lag 12 timar, men vi tilrår ladeboks.

Har nye LEAF CCS eller CHAdeMO?

Nye LEAF brukar CCS, ikkje CHAdeMO. Det betyr at du kan bruke dei aller fleste hurtigladarane i Noreg.

Kva er forbruket til nye LEAF?

Nissan oppgjev 13,5 kWt/100 km for 52 kWt-versjonen og 13,8 kWt/100 km for 75 kWt, etter WLTP. Tala er rettleiande.

Kva er V2L, og kan eg bruke det?

V2L lèt deg hente straum ut av bilen, opptil 3,6 kW. Du kan setje eit minimumsnivå for batteriet, så bilen aldri blir tappa heilt. Evolve har adapteren inkludert.

Kan eg lade LEAF på hytta?

Ja, men frå 2022 krev installasjonsnormen NEK 400 ladeboks for fast lading av elbil. Ein ny stikkontakt er ikkje nok til regelmessig lading.

Pris, finansiering og garanti

Kva kostar nye Nissan LEAF i Førde?

Nye LEAF kostar frå 359 900 kr hos Auto 8-8 Forum, inkludert frakt og leveringsomkostningar. Toppmodellen Evolve med 75 kWt kostar frå 509 900 kr.

Kva er forskjellen i pris mellom 52 og 75 kWt?

Det større batteriet kostar 50 000 kr meir på alle fire utstyrsnivåa. Engage går frå 359 900 til 409 900 kr, Evolve frå 459 900 til 509 900 kr.

Kor lenge varer garantien på batteriet?

Batterigarantien på nye LEAF gjeld i opptil 8 år eller 160 000 km, alt etter kva som skjer først. Bilen har 5 års garanti eller 100 000 km.

Kva kostar ein serviceavtale på LEAF?

Listeprisen er 17 800 kr for 3 år, 26 600 kr for 4 år, 33 200 kr for 5 år og 40 800 kr for 6 år. Ta kontakt for kva som passar køyremønsteret ditt.

Kan eg lease nye LEAF privat?

Ja. Privatleasing på Engage 52 kWt startar på 1 990 kr per månad med 90 690 kr i startleige, over 3 år og 36 000 km. Ta kontakt for eit tilbod på den modellen du vil ha.

Kva er inkludert i prisen?

Prisane våre inkluderer frakt og leveringsomkostningar. Vi tek atterhald om trykkfeil og om endringar i skattar og avgifter fram til bilen blir levert.

LEAF som elbil

Kor stort er bagasjerommet i nye LEAF?

Bagasjerommet er 437 liter etter VDA, utan hattehylla. Med baksetet nedlagt blir det 1 106 liter, og lastelengda går frå 599 til 1 287 mm.

Kor stor er nye LEAF?

Nye LEAF er 4 350 mm lang, 1 810 mm brei og 1 550 mm høg. Det gjer han enkel å parkere, samtidig som han kjennest romsleg innvendig.

Kan nye LEAF dra tilhengar?

Ja. Maksimal tilhengarvekt er 975 kg. Hengarfeste finst som tilbehøyr — ta kontakt så finn vi rett løysing.

Kva er Google innebygd?

Google innebygd gjev deg Maps, Assistant og Play rett i skjermen, utan å kople til mobilen. Maps planlegg ladestopp og varmar batteriet på førehand. Det følgjer med frå Engage Plus.

Kva gjer ProPILOT med Navi-Link?

ProPILOT med Navi-Link tilpassar farten til trafikken og til svingar og rundkøyringar ved hjelp av kartdata. Du må framleis ha auga på vegen og hendene på rattet.

Kvifor er baklysa forma som dei er?

Talet på lampar i baklysa dannar «2» og «3» — «ni» og «san» på japansk. Altså Nissan. Ein liten spøk frå designarane.

Har nye LEAF panoramatak?

Advance og Evolve har elektrisk dimbart panoramasoltak med fire nivå og varmereflekterande belegg. Engage og Engage Plus har det ikkje.

Kjøp og prøvekøyring

Kvar kan eg prøvekøyre nye Nissan LEAF i Sunnfjord?

Hos Auto 8-8 Forum på Sanderplassen 2 i Førde. Vi er den einaste Nissan-forhandlaren for nybil i Sunnfjord, Sogn og Nordfjord.

Kor lang tid tek ei prøvekøyring?

Rekn med ein halvtime til ein time. Vi går gjennom bilen først, og så køyrer du ei runde som gjev deg eit reelt inntrykk.

Kan eg prøvekøyre begge batteristorleikane?

Sei frå når du bookar, så prøver vi å ha rett bil klar. Kva vi har tilgjengeleg varierer, så det hjelper om du gjev oss litt tid.

Tek de bilen min i innbyte?

Ja, vi tek innbyte. Oppgje reg.nr og kilometerstand når du sender førespurnaden, så gjer vi ei vurdering før du kjem.

Kor lang er leveringstida på nye LEAF?

Leveringstida varierer med modell, batteri og farge. Ta kontakt med Markus eller Kim, så får du eit oppdatert svar for akkurat den bilen du vil ha.

Verkstad og service

Har de Nissan-autorisert verkstad i Førde?

Ja. Verkstaden ligg på same adresse som salet, Sanderplassen 2. Vi er autorisert for Nissan, og tek imot alle merke.

Kva er opningstidene?

Sal held ope måndag til fredag 08–16 og laurdag 10–14. Verkstad og delar har ope måndag til fredag 07:30–16:30, karosseri 07:30–15:30.

Kva gjer eg om eg får driftsstans?

Ring Nissan veghjelp på 815 56 232. Du kan òg ringje oss på 57 83 09 60 i opningstida, så hjelper vi deg vidare.